TV në gjuhën serbe
Kryeministri Hashim Thaçi dhe Përfaqësuesi Civil Ndërkombëtar, Pieter Feith, në një deklaratë të përbashkët për media pohuan se planet për një kanal televiziv të serbisht-folësve të Kosovës duhet tani të realizohen.
Në deklaratën e përbashkët për media thuhet se Zyra Civile Ndërkombëtare dhe Qeveria e Kosovës mbeten të angazhuara për ta themeluar një kanal televiziv të pavarur në gjuhën serbe, me transmetim anembanë Kosovës.
Kryeministri Thaçi, me këtë rast theksoi se një kanal televiziv i pavarur në gjuhën serbe është mbështetur nga të gjitha nivelet e Qeverisë. Sipas tij, kanali në gjuhën serbe do të përkrahet fuqishëm, duke pasur parasysh që liria e shprehjes në gjuhën amtare të secilit është obligim kushtetues dhe një e drejtë njerëzore e patjetërsueshme për të gjithë.
Mbetem i bindur se ky projekt medial do të rrisë akoma frymën e komunitetit dhe që të gjitha komunitetet joshqiptare në përgjithësi, e veçmas komuniteti serb, të ndjehen se janë pjesë e Kosovës. Mirëpresim bashkëpunimin me të gjitha palët e interesit në këtë proces me rëndësi dhe e çmojmë mbështetjen e ICO-së dhe ICR-së, tha kryeministri.
Ndërsa, Feith vlerësoi se puna në sektorin medial gjatë vitit të kaluar ka dëshmuar se serbisht-folësit në Kosovë dëshirojnë të kenë informim dhe argëtim i cili realizohet këtu në Kosovë, në gjuhën e tyre.
Në deklaratën e përbashkët për media thuhet se Zyra Civile Ndërkombëtare dhe Qeveria e Kosovës mbeten të angazhuara për ta themeluar një kanal televiziv të pavarur në gjuhën serbe, me transmetim anembanë Kosovës.
Kryeministri Thaçi, me këtë rast theksoi se një kanal televiziv i pavarur në gjuhën serbe është mbështetur nga të gjitha nivelet e Qeverisë. Sipas tij, kanali në gjuhën serbe do të përkrahet fuqishëm, duke pasur parasysh që liria e shprehjes në gjuhën amtare të secilit është obligim kushtetues dhe një e drejtë njerëzore e patjetërsueshme për të gjithë.
Mbetem i bindur se ky projekt medial do të rrisë akoma frymën e komunitetit dhe që të gjitha komunitetet joshqiptare në përgjithësi, e veçmas komuniteti serb, të ndjehen se janë pjesë e Kosovës. Mirëpresim bashkëpunimin me të gjitha palët e interesit në këtë proces me rëndësi dhe e çmojmë mbështetjen e ICO-së dhe ICR-së, tha kryeministri.
Ndërsa, Feith vlerësoi se puna në sektorin medial gjatë vitit të kaluar ka dëshmuar se serbisht-folësit në Kosovë dëshirojnë të kenë informim dhe argëtim i cili realizohet këtu në Kosovë, në gjuhën e tyre.