Tadiç: Vendimi i GJND-së, në favor të Serbisë

Presidenti serb Boris Tadiç ka shprehur bindjen e tij se vendimi i Gjykatës Ndërkombëtare të Drejtësisë për pavarësinë e Kosovës do të jetë në favor të Serbisë.
"Pas këtij vendimi, Serbia do të jetë e gatshme të bisedojë me Prishtinën për të ardhmen e Kosovës", ka deklaruar Tadiç në një intervistë për një të përditshme gjermane.
Presidenti serb ka refuzuar t'i përgjigjet pyetjes nëse Beogradi ka një plan B, nëse GJND jep një përgjigje negative, duke u shprehur se, "nuk është momenti të mendojmë për gjëra të tilla".