Tahiri dhe Kuper diskutojnë dialogun Prishtinë-Beograd

Zëvendëskryeministrja e Kosovës Edita Tahiri u takua me Robert Kuoper, këshilltar i lartë në kabinetin e Ketrin Eshton, përfaqësuese e lartë për politikë të jashtme dhe siguri e BE-së.

Gjatë takimit është biseduar për ecurinë e procesit të dialogut për çështje praktike midis Kosovës dhe Serbisë dhe përgatitjet për takimin e radhës në Bruksel.

Në deklarate thuhet se është rënë dakord që të vazhdohen konsultimet për finalizimin e axhendës dhe për mbarëvajtjen e procesit të dialogut.