Takimi Merkel-Sarkozi, reagime ne Evrope
Te dy liderët evropiane u shprehen te sigurt për planet e reja financiare por ato nuk shihen me po te njëjtin optimizëm edhe nga analistet ekonomike. Sipas tyre, një vendim jo i drejte do ta kthente serish Evropën dhe jo vetëm, ne vitin 2008, kur shpërtheu kriza ekonomike globale. Ata shprehen gjithashtu se vendimi për te mbrojtur monedhën euro me çdo kusht është i drejte por liderët duhet te fokusohen me tepër ne tregjet financiare dhe politikat monetare. E ne fakt tregjet, vetëm një dite pas takimit, nuk kane reaguar pozitivisht. Aksionet e kompanive financiare dhe kurset e këmbimit ne te gjithë Evropën kane shënuar rënie. Menjëherë pas fjalimeve te liderëve respektive, bursa gjermane dhe ajo franceze rezultuan ne zbritje. Përkundër pritshmërive, indeksi gjerman DAX humbi 5% ndërsa indeksi francez CAC 40 shënoi rënie me mbi 4.5%. Edhe bursa e Madridit, Milanos, ajo e Portugalisë, greke e madje edhe tregjet financiare ne “Wall Street” u mbyllen ne territor negativ. Edhe Euro humbi ndjeshëm terren duke u dobësuar me 0.5 pike kundrejt dollarit amerikan.