Tarabosh, kapet zjarrvënësi
Ndërkohë, policia ka arrestuar te dyshuarin si zjarrvënës ne këtë zone. Hil Gjoni, 58 vjeç, akuzohet për shkatërrim te pronës me zjarr. Sipas policisë, ai i ka vene flaken disa shkurreve rreth pronës se tij ne Tarabosh, por ne fakt zjarri ka dale jashtë kontrollit, duke u përhapur me shpejtësi ne komunën Ana e Malit ku u dogjën 15 shtëpi te banueshme, si dhe u rrezikuan dhjetëra te tjera. Forcat e ushtrisë evakuuan 30 familje ne Oblike dhe Shiroke. Ndërkohë, flaket u shtrinë edhe përgjatë segmentit rrugor Shkodër-Muriqan, e madje deri ne afërsi te varrezave ne Shirokë. Katër zjarre te fuqishme janë shfaqur edhe ne qarkun e Elbasanit. Ne lagjen “Vullnetari” te Elbasanit janë djegur dhjetëra rrënjë ullinj. Ndërsa ne fshatrat e komunës Sult te bramshit është shkrumbuar një sipërfaqe e madhe me pyje dhe shkurre. Një vatër zjarri mësohet se ka rene edhe ne periferi te Gramshit pranë antenave te kompanive celulare, por pa shkaktuar dëme.