Tatim-Taksa polemizon me bashkine
Drejtoria rajonale e Tatim-Takses ne Elbasan ka kerkuar bashkerendim te veprimeve me bashkine e Elbasanit. Gjate nje takimi te realizuar ne prefekture, kryetari i deges se Tatimeve Skender Daja u shpreh se "mes nesh dhe bashkise ka mosperputhje te subjekteve te licencuara dhe derdhjes se kontributeve shoqerore”. Ai ilustroi se figurojne me shume subjekte te licencuara dhe me pak persona te siguruar. “I njejti shqetesim vlen edhe per disa komuna ne qark", - saktesoi Daja. Nje vemendje te vecante ai tha se Tatim-Taksa po i kushton per kete vit parandalimit te levizjes se mallrave pa dokumentacionin perkates. “Per kete arsye kane nisur kontrollet ne shkalle te gjere. Dega e tatimeve ka evidentuar edhe numrin e personave dhe subjekteve qe nuk kane kolauduar automjetet dhe qe nuk kane paguar taksat ne shtet”, - detajoi Daja. Ketu ai shtoi se per vitin qe kaloi figurojne 1 380 persona dhe subjekte qe nuk kane derdhur detyrimet. Daja sqaroi se 36 prej tyre jane subjekte te medha te cilat kane ne perdorim makineri te tonazhit te rende, duke evidentuar dhe nje tjeter shqetesim: “Problem mbetet per kete vit edhe licencimi i taksive. Ne Elbasan numerohen 430 taksi 4 plus 1 dhe vetem ne qytet ushtrojne aktivitet 231 te tilla”. Kryetari Daja tha se sipas ligjit 140 prej tyre duhet t’i thone lamtumire sherbimit taksi. F.Salliu