Tavo: Opozita te behet pjese e reformave ne shtator Rozeta Rapushi
Numri dy i Kuvendit, Vangjel Tavo, tha dje se Partia Socialiste duhet te jete ne Kuvend ne sesionin e ri parlamentar qe do te celet ne 5 shtator. Duke kritikuar qendrimin e opozites ne institucione, ish- deputeti socialist, tha se tashme e majta duhet te kryeje detyren e saj ne Kuvend, jo jashte saj. Sidomos tashme qe Shqiperia eshte nje hap larg integrimit ne Bashkimin Evropian. "Une kam qene nje nga deputetet, jo i vetem, por nje grup deputetesh kane qene kunder idese se kryetarit Edi Rama per bojkotin e parlamentit. Opozita duhet qe te vije ne parlament, te shpalose alternativat e saj, jemi nje hap larg firmosjes se marreveshjes per hyrjen e Shqiperise ne BE dhe opozita ka rolin e vet ne kete pike, gje qe opozita se ka bere punen, detyren e saj", u shpreh Tavo. Sipas tij, ne nje moment te tille deciziv per te ardhmen e vendit, deputetet e opozites duhet te kontribuojne per integrimin e vendit si dhe per realizimin e reformave te domosdoshme per kete hap. Nder to, permenden nisma ligjore te cilat domosdoshmerish kerkojne voten e deputeteve socialiste ne Kuvend, per shumicen e kerkuar prej 84 votash. Tavo theksoi faktin se jane te shumte ata deputete socialiste, te cilet kerkojne qe opozita te jete pjese e diskutimeve dhe jetes parlamentare, duke dhene edhe alternativat e tyre ne seanca plenare si dhe ne diskutimin e projektligjeve te shumta ne komisionet parlamentare te Kuvendit. "Opozita duhet te kryeje funksionin e saj ne Parlament dhe deputetet duhet te kontribuojne ne nisma te rendesishme ligjore, pasi per kete jane votuar", vijoi ai. Nenkryetari i Kuvendit, Tavo komentoi gjithashtu edhe ndryshimet e fundit qe u bene ne kabinetin qeveritar si dhe performancen e ministrave te Levizjes Socialiste per Integrim ne qeveri. Sipas tij, ministrat e LSI-se ne kabinetin qeveritar, duhet gjithashtu qe te japin llogari edhe perpara strukturave te Levizjes Socialiste per Integrim. Deputetet e Partise Socialiste, ju rikthyen bojkotit te Kuvendit, pak kohe para zhvillimit te zgjedhjeve lokale te 8 majit dhe nuk u rikthyen me edhe pas perfundimit te tyre. Madje socialistet refuzuan edhe ftesen e bere nga kryetari i grupit parlamentar demokrat, Astrit Patozi, per te qene pjese e diskutimeve, dialogut dhe pse jo nje tryeze per reformat brenda muajit korrik, para mbylljes se sesionit parlamentar. Tashme pritet qendrimi i tyre, ne celjen e sesionit te ri parlamentar ne 5 shtator.
PS, "premton" rikthim ne shtator
Partia Socialiste ka deklaruar deri me sot se do te rikthehet ne institucione ne shtator, me celjen e sesionit te ri parlamentar. Vete kryetari socialist, Edi Rama, premtoi rikthim te opozites ne shtator ne Kuvend, per integrimin e vendit dhe realizimin e nje sere reformash. Megjithate, aktualisht realizimi i reformave, me kryesisht edhe asaj zgjedhore ne Kodin Zgjedhor, jane shoqeruar me nje sere kushtesh, si ndryshime te tjera ne Kushtetuten e vendit. Nderkohe qe dy prej deputeteve socialiste, si Kastriot Islami dhe Andis Harasani, nuk e kane ndjekur linjen e grupit socialist por kane qene te pranishem ne Kuvend.
PS, "premton" rikthim ne shtator
Partia Socialiste ka deklaruar deri me sot se do te rikthehet ne institucione ne shtator, me celjen e sesionit te ri parlamentar. Vete kryetari socialist, Edi Rama, premtoi rikthim te opozites ne shtator ne Kuvend, per integrimin e vendit dhe realizimin e nje sere reformash. Megjithate, aktualisht realizimi i reformave, me kryesisht edhe asaj zgjedhore ne Kodin Zgjedhor, jane shoqeruar me nje sere kushtesh, si ndryshime te tjera ne Kushtetuten e vendit. Nderkohe qe dy prej deputeteve socialiste, si Kastriot Islami dhe Andis Harasani, nuk e kane ndjekur linjen e grupit socialist por kane qene te pranishem ne Kuvend.