Te nderuar zonja dhe zoterinj, pjesemarres dhe kontribues ne kete konference Te nderuar perfaqesues te partnereve tane nderkombetare Sot punuam se bashku, sic po mesohemi te punojme gjithnje e m

Te nderuar zonja dhe zoterinj, pjesemarres dhe kontribues ne kete konference

Te nderuar perfaqesues te partnereve tane nderkombetare

Sot punuam se bashku, sic po mesohemi te punojme gjithnje e me shpesh mes nesh, me transparence, me realizem dhe me pergjegjesi qytetare.

Ne ndame ketu vizionin tone afatgjate per zhvillimin e vendit, qartesuam objektiva, te vleresueshme dhe te monitorueshme per periudhen afatmesme dhe afatgjate, diskutuam dhe konkluduam programin e masave prioritare qe do te zbatojme per arritjen e ketyre objektivave, percaktuam qarte rolet dhe pergjegjesite e secilit aktor. Ne jemi te vendosur qe ta vazhdojme kete fryme bashkepunimi edhe per zbatimin e programit afatmesem te Strategjise Kombetare per Zhvillimin Ekonomik dhe Social.

Konstatoj se vizionet dhe vleresimet tona konverguan ne te gjitha ceshtjet parimore dhe kryesore te strategjise.

Vleresoj gjithashtu sugjerimet e rendesishme qe ju dhate per definimin me te mire te objektivave dhe per plotesimin e programit te masave prioritare.

Stafet perkatese te ekzekutivit kane mbajtur shenime te hollesishme mbi sugjerimet e dhena dhe ju siguroj se ato do te adoptohen ne dokumentin e strategjise, te cilin qeveria do ta adoptoje zyrtarisht ne dokumentin i cili eshte tashme platforma e aksionit ekzekutiv te saj. Kjo platforme do te publikohet per t'i sherbyer:

· informimit te te gjithe aktoreve ne pergjithesi
· orientimit dhe nxitjes se veprimtarise se secilit
· konsolidimit te treguesve te matjes se punes se qeverise ne zbatimin e programit dhe arritjen e objektivave

Ne eksperiencen tone te ketyre viteve te fundit termi "strategji" eshte perdorur me tepri. Jo pak dokumenta te quajtuara "strategjike" kane degjeneruar ne blloqe letrash pa vlere. Kjo nuk ka per te ndodhur me Strategjine Kombetare te Zhvillimit Ekonomik dhe Social.

Rritja e ritmeve te rritjes ekonomike si dhe forcimi i qendrueshmerise, perhapjes dhe perfshirjes se saj perbejne nje objektiv prioritar te masave qe do te ndermarrim.

Pa nje rritje te tille cdo objektiv tjeter strategjik do te ishte i pamundur. Prandaj, zbatimi i masave te projektuara si dhe ato qe u sugjeruan ne kete konference do te jene ne qender te veprimtarise se qeverise. Dua te sjell ne vemendjen tuaj se:

· ne kemi oportunitete dhe potenciale ende te pa shfrytezuara ne funksion te rritjes ekonomike dhe jemi duke punuar qe t'i veme sa me shpejt ne shfrytezim
· jane krijuar disa barriera te dukshme dhe te padukshme, shpesh here burim i korrupsionit, qe e asfiksojne sipermarrjen dhe ne jemi angazhuar t'i eliminojme ato sa me shpejt
· ne kemi ndertuar programe konkrete qe po e reduktojme ekonomine informale ne favor te zhvillimit te asaj formale
· ne do te vazhdojme te luftojme pa kompromis ekonomine ilegale ne favor te asaj zhvilluese
· ne duhet te krijojme edhe me shume siguri si dhe nje imazh pozitiv realist qe te terheqim investimet e huaja
· ne do te vazhdojme te ruajme stabilitetin makro-ekonomik por edhe ate makro-politik e qeverises

Rritja e synuar ekonomike kerkon nje qeverisje te mire - nje qeverisje sa efektive dhe eficente, aq edhe demokratike.

Thellimi i reformave institucionale do te jete jo vetem nje prioritet kryesor, por edhe fusha e cila mund dhe duhet te jete e hapur per perfshirje dhe pjesemarrje te cdo aktori e te publikut ne pergjithesi.

Per kete qellim reformat e drejtesise e te rendit, te administrates publike, te decentralizimit, te financave publike po vazhdojne me ritem te larte dhe njekohesisht do te behen edhe me qartesisht te monitorueshme nga publiku dhe partneret tane nderkombetare.

Shqiperia ka dhe do te vazhdoje te kete nevoje per zgjerimin e sistemit te infrastruktures, qe nga ajo nderlidhese me Rajonin dhe Europen e deri tek ajo rurale.

Ne do te vazhdojme qe te alokojme burime financiare dhe materiale per kete qellim, po aq sa edhe do te permiresojme programimin, projektimin, zbatimin dhe administrimin eficent te tyre si dhe te hapjes se mundesive per terheqen e kapitaleve private dhe komunitare.

Njekohesisht ne kete fushe ne e ndjejme te domosdoshem bashkepunimin me partneret tane nderkombetare. Ne radhe te pare dalja nga qerthulli i krizes energjetike eshte parakusht per te gjitha objektivat tona. Nen stresin e erresires nuk mund te kete zhvillim.

Ne kemi vleresuar rendesine qe ka zhvillimi i burimeve njerezore dhe sapo kemi nisur nje kthese rrenjesore ne trendin tone te zhvillimit.

Ne synojme te sigurojme nje akses te garantuar dhe te drejte per te gjithe ne sherbimin shendetesor por edhe nje sistem efektiv dhe eficent qe mireadministron kontributet eshte objektivi yne i perbashket.

Arsimimi i brezave, pergatitja e tyre per t'u orientuar drejt ne sistemin ekonomik, demokratik, shoqeror si europianë e deri ne shnderrimin e universitetetve ne fabrika te prodhimit te specialisteve per zhvillimin dhe integrimin e vendit, jane synimet tona ne kete fushe te cilat kerkojne gjithashtu nje reforme te thelle institucionale, krahas investimeve ne rritje.

Sistemi qe po ndertojme duke pershpejtuar hapat integrues eshte nje sistem human, prandaj reduktimi i varferise eshte dhe do te mbetet nje prioritet per ne.

Ne radhe te pare varferia reduktohet nese do te kemi suksese ne arritjen e objektivave qe permenda me lart e vecanerisht ne rritjen e qendrueshme dhe harmonike ekonomike.

Rritja e peshes se shpenzimeve sociale te buxhetit nuk eshte zgjidhja qe kerkohet. Perkundrazi, rritja e efektivitetit dhe eficences se politikave sociale dhe perfshirja e shoqerise civile dhe e komunitetit te biznesit eshte drejtimi i duhur i ketyre politikave qe ploteson efektet pozitive te rritjes ekonomike, zhvillimit infrastrukturor dhe njerezor ne reduktimin e varferise dhe zbutjen e problemeve sociale.

Objektivat dhe programi i masave publike prioritare, per përmbushjen e tyre kerkojne:

· forcimin e kapaciteteve projektuese dhe zbatuese te te gjitha institucioneve.

· problemet qe kemi identifikuar dhe nevojat tona jane te medha, ndersa burimet te kufizuara; prandaj percaktimi i prioriteteve te veprimeve, perdorimi racional i burimeve dhe sigurimi i efekteve multiplikatore behet teper i rendesishem

Duke shprehur angazhimin e qeverise per realizimin e programit dhe arritjen e objektivave, ftoj njekohesisht te gjithe aktoret e shoqerise shqiptare:

· te monitorojne proceset transformuese dhe te informojne publikun
· por edhe te marrin pjese, ne perputhje me mundesite dhe objektivat e tyre, ne zbatimin e Strategjise dhe programit te saj

dhe

ne emrin e qeverise u shpreh partnereve tane nderkombetare mirenjohjen per bashkepunimin qe na kane ofruar, si dhe angazhimin e tyre per te vazhduar e thelluar kete bashkepunim, tashme si partnere ne arritjen e objektivave tona te zhvillimit ekonomik dhe social.

Faleminderit dhe pune te mbare ne zbatimin e ketij programi.