Te perndjekuri, mbeshtetje nga Topi
Ish te perndjekurit politike, nuk jane te kenaqur, pavaresisht ndryshimeve qe iu bene se fundmi ligjit per demshperblimin e tyre. Nje perfaqesi e te perndjekurve politike, por dhe te shpronesuarve nga Shkodra, u ankuan dje tek Presidenti i Republikes, Bamir Topi, mbi menyren qe po ndiqet per shperndarjen e parave. Perfaqesuesit e te perndjekurve nga Shkodra, te cilet rrjedhin nga familjet e shquara e me tradita te vyera patriotike si familja Serreqi, Bushati, Guraziu, Dani, Gurakuqi, Vocaj, u ankuan dje tek kreu i shtetit, se po hasin veshtiresi te medha ne marrjen e demshperblimit. Po keshtu, dhe perfaqesuesit e te shpronesuarve, paraqiten para Topit, ankesen se procesi i kthimit dhe kompensimit te pronave ka ngecur dhe nuk po ecen aspak perpara. I vetmi ngushellim qe mundi t'i jape kreu i shtetit, ishte qe si te perndjekurit ashtu dhe ish pronaret, te perdorin rruget dhe menyrat institucionale e demokratike per zgjidhjen e problemeve. Po keshtu, Presidenti Topi, i siguroi se ata do te gezojne gjithmone mbeshtetjen e tij te pa kursyer si personale, ashtu dhe institucionale si President i Republikes. Kryetari i shtetit shqiptar theksoi se i ka ndjekur gjithmone me vemendje te madhe dhe ne vazhdimesi shqetesimet e tyre, ne lidhje me kthimin dhe kompensimin e pronave, si dhe me demshperblimin e te perndjekurve politike. Sepse eshte nje detyrim jo vetem i Institucionit te Presidentit te Republikes, por edhe nje detyrim moral e personal. Perfaqesuesit e ish te denuarve politik dhe pronareve, e falenderuan per mikpritjen dhe kohen e vene ne dispozicion. Prej kohesh ata kishin kerkuar nje takim me kreun e shtetit. Ne fakt, Presidenti Topi, vazhdimisht eshte treguar i hapur te prese kategori te tilla, duke degjuar shqetesimet e vazhdueshme te tyre. Per sa i perket ish-te denuarve politike, ata u ankuan tek Presidenti, pavaresisht se pak kohe me pare, Kuvendi miratoi me shumice votash ndryshimet ne ligjin per te ta. Aktualisht, ligji pret firmen e presidentit Topi, per te hyre ne fuqi. Firme, te cilen kreu i shtetit ende se ka dhene.