Te perndjekurit: "Abstenimi" i Topit, teper zhgenjyes
Reagojne perfaqesuesit e te perndjekurve politike pas hyrjes ne fuqi te "Dosjeve" pa dekretin e Presidentit. Akuzat kane qene ne drejtim te kreut te shtetit, duke e komentuar heshtjen e tij, si nje qendrim kunder shtreses se ish-te perndjekurve. "Qendrimi i Shoqates "Musine Kokalari" dhe Institutit te Integrimit te te Perndjekurve Politike eshte se "abstenimi" i ligjit per dosjet nga ana e Presidentit Topi, do te thote mohim i tij. Presidenti na ka zhgenjyer sepse me kete qendrim tregoi se nuk e perkrah shtresen tone teper te vuajtur. Zamir Shtylla dhe sera e tij, duhej te kishin dhene doreheqjen 18 vite me pare. Ligji eshte i bute, por gjithsesi i domosdoshem", ka qene deklarata e kesaj shoqate, vetem pak kohe pas skadimit te afatit te dekretimit te ligjit per "Dosjet" dhe hyrjes se tij ne fuqi pa firmen e Presidentit Topi. Nderkohe qe dhe perfaqesuesit e Institutit te Integrimit te te Perndjekurve Politike, kane mbetur te pakenaqur nga heshtja e Topit.