Tekstet, gara e përzgjedhjes së titujve
19/02/2009 Rilidhje kontratash për tekstet që vitin e shkuar janë paraqitur me më shumë se tri alternativa
Vetëm për vitet e para të shkollës së mesme është parashikuar futja e teksteve të huaja
Përcaktohen rregulla të reja për zhvillimin e garës përzgjedhëse të teksteve mësimore që do të përdoren në shkollat e arsimit bazë dhe atij të mesëm. Shtëpitë botuese tashmë kanë filluar të depozitojnë alternativat e tyre pranë komisionit të miratimit në Ministrinë e Arsimit. Megjithatë, për këtë vit janë caktuar një sërë ndryshimesh që do të shoqërojnë procedurën e selektimit të titujve që do të përzgjidhen. Kështu, librat që gjatë vitit të shkuar janë shoqëruar me shumë alternativa, këtë vit do të jenë sërish në procesin mësimor, por pa u dashur të përfshihen në garën e përzgjedhjes. Kjo do të thotë se për këto të fundit do të rishlidhen kontratat me shtëpitë e botimit. Rilidhja e këtyre kontratave do të jetë e vlefshme vetëm pasi të jenë korrigjuar gabimet apo defektet që këto tekste kanë pasur gjatë vitit mësimor. Një tjetër ndryshim me të cilin është shoqëruar rregullorja e zgjedhjes së këtyre teksteve është dhe shtimi i alternativave të huaja për disa lëndë.
Përzgjedhja
Sipas ndryshimeve të bëra, thuhet se do të respektohen rezultatet e teksteve që kanë qenë fitues në vitin e kaluar, nga klasa e parë deri në vitin e katër të shkollës së mesme. Tekstet për të cilat janë ofruar 3, 4, 5 apo më shumë alternativa, nuk do të ketë nevojë të përsëriten për këtë vit. Ndërsa për tekstet e lëndëve për të cilat ka pasur vetëm një alternativë ose dy, do të rihapet procesi i kërkesës për tekste të reja alternative, në mënyrë që të ofrohen më shumë tekste për mësuesit gjatë përzgjedhjes. Gjithashtu po operohet edhe me korrigjimin e të gjitha defekteve që janë vënë re në tekste gjatë vitit të shkuar. Për këtë është hapur një rubrikë nga Ministria e Arsimit për mbledhjen e të gjitha vërejtjeve që kanë mësuesit e lëndëve të ndryshme për tekstin që ata kanë përdorur. Synimi kryesor i kësaj procedure është korrigjimi i defekteve në tekstet që vetë mësuesit i kanë konstatuar gjatë punës me to. Procesi i ribërjes së kontratave do të marrë në konsideratë edhe korrigjimin e teksteve të miratuara më parë.
Titujt e huaj
Për të ndihmuar në rritjen e cilësisë së mësimdhënies dhe përshtatjen e tyre me njohuritë që aktualisht shpërndahen edhe në vendet fqinje, është menduar që të shtohen alternativat e teksteve edhe me tituj të huaj. Vetëm për vitin e parë të gjimnazit është menduar që të futen në tregun shqiptar edhe tekste të vendeve të ndryshme evropiane me arsim të konsoliduar, tekste që janë në përputhje me programin e miratuar në Shqipëri. Ndërkohë kjo risi po synohet që të shtrihet edhe për lëndët e shkencave ekzakte, si fizika, biologjia, kimia, matematika, në mënyrë që të arrihet përmirësimi i njohurive të nxënësve shqiptarë.
Tekstet në garë
“Këtë vit ne do të respektojmë rezultatet e teksteve që kanë qenë fituese në vitin e kaluar, nga viti i parë deri në atë të 12-të, duke ofruar 3, 4, 5 apo më shumë alternativa. Për këto tekste nuk do të jetë nevoja të përsëriten për këtë vit. Ndërsa për tekstet e lëndëve për të cilat ka pasur vetëm një alternativë ose dy, do të rihapet procesi i kërkesës për tekste të reja alternative, në mënyrë që të ofrohen më shumë tekste për mësuesit gjatë përzgjedhjes. Tashmë do të jetë Ministria e Arsimit që do ta organizojë këtë me një komision të posaçëm për këtë qëllim.”
Tekstet e huaja
Vetëm për vitin e parë të gjimnazit është menduar të përfshihen në garën e përzgjedhjes edhe tekstet e vendeve të ndryshme evropiane me arsim të konsoliduar, tekste që janë në përputhje me programin e miratuar në Shqipëri. Edhe kjo është një risi dhe grupet e punës po punojnë që të arrihet një gjë e tillë edhe për lëndët e shkencave ekzakte, si fizika, biologjia, kimia, matematika, që të mund të kemi tekste të huaja, gjithmonë në të mirë të përmirësimit të njohurive të nxënësve shqiptarë.
Vetëm për vitet e para të shkollës së mesme është parashikuar futja e teksteve të huaja
Përcaktohen rregulla të reja për zhvillimin e garës përzgjedhëse të teksteve mësimore që do të përdoren në shkollat e arsimit bazë dhe atij të mesëm. Shtëpitë botuese tashmë kanë filluar të depozitojnë alternativat e tyre pranë komisionit të miratimit në Ministrinë e Arsimit. Megjithatë, për këtë vit janë caktuar një sërë ndryshimesh që do të shoqërojnë procedurën e selektimit të titujve që do të përzgjidhen. Kështu, librat që gjatë vitit të shkuar janë shoqëruar me shumë alternativa, këtë vit do të jenë sërish në procesin mësimor, por pa u dashur të përfshihen në garën e përzgjedhjes. Kjo do të thotë se për këto të fundit do të rishlidhen kontratat me shtëpitë e botimit. Rilidhja e këtyre kontratave do të jetë e vlefshme vetëm pasi të jenë korrigjuar gabimet apo defektet që këto tekste kanë pasur gjatë vitit mësimor. Një tjetër ndryshim me të cilin është shoqëruar rregullorja e zgjedhjes së këtyre teksteve është dhe shtimi i alternativave të huaja për disa lëndë.
Përzgjedhja
Sipas ndryshimeve të bëra, thuhet se do të respektohen rezultatet e teksteve që kanë qenë fitues në vitin e kaluar, nga klasa e parë deri në vitin e katër të shkollës së mesme. Tekstet për të cilat janë ofruar 3, 4, 5 apo më shumë alternativa, nuk do të ketë nevojë të përsëriten për këtë vit. Ndërsa për tekstet e lëndëve për të cilat ka pasur vetëm një alternativë ose dy, do të rihapet procesi i kërkesës për tekste të reja alternative, në mënyrë që të ofrohen më shumë tekste për mësuesit gjatë përzgjedhjes. Gjithashtu po operohet edhe me korrigjimin e të gjitha defekteve që janë vënë re në tekste gjatë vitit të shkuar. Për këtë është hapur një rubrikë nga Ministria e Arsimit për mbledhjen e të gjitha vërejtjeve që kanë mësuesit e lëndëve të ndryshme për tekstin që ata kanë përdorur. Synimi kryesor i kësaj procedure është korrigjimi i defekteve në tekstet që vetë mësuesit i kanë konstatuar gjatë punës me to. Procesi i ribërjes së kontratave do të marrë në konsideratë edhe korrigjimin e teksteve të miratuara më parë.
Titujt e huaj
Për të ndihmuar në rritjen e cilësisë së mësimdhënies dhe përshtatjen e tyre me njohuritë që aktualisht shpërndahen edhe në vendet fqinje, është menduar që të shtohen alternativat e teksteve edhe me tituj të huaj. Vetëm për vitin e parë të gjimnazit është menduar që të futen në tregun shqiptar edhe tekste të vendeve të ndryshme evropiane me arsim të konsoliduar, tekste që janë në përputhje me programin e miratuar në Shqipëri. Ndërkohë kjo risi po synohet që të shtrihet edhe për lëndët e shkencave ekzakte, si fizika, biologjia, kimia, matematika, në mënyrë që të arrihet përmirësimi i njohurive të nxënësve shqiptarë.
Tekstet në garë
“Këtë vit ne do të respektojmë rezultatet e teksteve që kanë qenë fituese në vitin e kaluar, nga viti i parë deri në atë të 12-të, duke ofruar 3, 4, 5 apo më shumë alternativa. Për këto tekste nuk do të jetë nevoja të përsëriten për këtë vit. Ndërsa për tekstet e lëndëve për të cilat ka pasur vetëm një alternativë ose dy, do të rihapet procesi i kërkesës për tekste të reja alternative, në mënyrë që të ofrohen më shumë tekste për mësuesit gjatë përzgjedhjes. Tashmë do të jetë Ministria e Arsimit që do ta organizojë këtë me një komision të posaçëm për këtë qëllim.”
Tekstet e huaja
Vetëm për vitin e parë të gjimnazit është menduar të përfshihen në garën e përzgjedhjes edhe tekstet e vendeve të ndryshme evropiane me arsim të konsoliduar, tekste që janë në përputhje me programin e miratuar në Shqipëri. Edhe kjo është një risi dhe grupet e punës po punojnë që të arrihet një gjë e tillë edhe për lëndët e shkencave ekzakte, si fizika, biologjia, kimia, matematika, që të mund të kemi tekste të huaja, gjithmonë në të mirë të përmirësimit të njohurive të nxënësve shqiptarë.