Temperaturat, kujdes virozat e stines
Ulja e menjehershme e temperaturave ka sjelle edhe shqetesimet e para, sidomos tek moshat e vogla. Djegie fyti, ftohje, kolle te thate por edhe gjendje rrufe, jane pasojat e ketyre ndryshimeve te temperaturave, te cilat ditet e fundit jane shoqeruar menjehere me nje rritje te numrit te personave qe kane kerkuar ndihmen e mjekut. Numri i personave qe kane ndjere shqetesime qe lidhen drejtperdrejt me uljen e temperaturave, nuk ka qene shume i madh, porse si cdo vit pritet qe popullata te perfshihet nga virozat e stines. Keshtu, sipas specialisteve te parashikimit te motit ne Institutin e Energjise, Ujit dhe Mjedisit, kane paralajmeruar se java e ardhshme do te karakterizohet nga ulje akoma me te medha te temperaturave, ndaj duhet pasur kujdes. Nderkohe, mjeket kane keshilluar berjen e vaksines anti-grip. Sipas specialisteve te parashikimit te motit ne Institutin e Energjise, Ujit dhe Mjedisit, duke filluar nga dita e pare e javes se ardhshme, pritet qe te kete akoma me shume ulje te temperaturave ne vlerat minimale dhe maksimale. Keshtu, kjo karakteristike e motit do ta perfshije gjithe territorin e Shqiperise, madje edhe me reshje shiu. Eshte ky shkaku pse mjeket specialiste i tremben ndonje epidemie te mundshme gripi. Per ta parandaluar dicka te tille, ata i kane keshilluar te gjithe pacientet e diteve te fundit, kryerjen e vaksines anti-grip e cila tashme ka edhe kohen me te pershtatshme. Por, edhe pse eshte keshtu, ajo nuk mund te merret nga te gjithe. Keshtu, personat te cilet jane duke kaluar nje gjendje gripale nuk mund ta marrin. "Vete vaksina ne ditet e para te krijon nje gjendje te ngjashme me gripin. Per kete arsye nuk keshillohet qe ajo te merret kur personi eshte duke kaluar nje periudhe gripale. Duhet qe kjo gjendje te kaloje dhe me pas i interesuari mund ta marre", shpjegojne mjeket specialiste. Pervec keshilles se perdorimit te vaksines anti-grip edhe mjeket japin keshillat qe gjendjet gripale te kalojne sa me shpejt. "Keshilla kryesore eshte kufizimi i kontakteve, sidomos ne ambientet kolektive si kopshte dhe cerdhe, dhe qendra te punes sepse virusi eshte ngjites. Antibiotiket duhet te merren vetem ne rastet e komplikacioneve, vitamina-terapite si dhe qetesuesit e kolles" pohojne mjeket. Ata tregojne se personat qe kane filluar te ndiejne shqetesimet e virozave te stines, duhet te pine sa me shume lengje dhe te hane gjera te ngrohta, per shembull supe.