Tentuan t'i marrin benzin, dhunojne taksistin

Tirane-Rikthehen grabitjet e taksisteve ne kryeqytet. Nje taksist ka denoncuar ne policine e Tiranes, tentativen e grabitjes se automjetit te tij, nga persona te panjohur, te cileve iu sherbeu si kliente. Denoncimi eshte kryer ne Komisariatin e Policise nr. 5 ne Tirane, nga nje shofer taksie. Sipas deklarimeve te tij, mesohet se rreth ores 22.30 te dates 29 tetor, dy persona kane hipur ne taksi dhe kane kerkuar qe t'i cojne nga sheshi "Skenderbej" ne qender te Tiranes, deri ne Paskuqan. Pasi ka bere edhe pazarin me klientet, taksisti ka marre rrugen per nga iu kerkua. Gjate momentit qe dy pasagjeret kane zbritur, ata kane tentuar t'i marrin me dhune celesat e mjetit "Benz" taksi me targe TR 432 D. Fillimisht taksisti ka bere rezistence, duke mos iu bindur kercenuesve t'i jape celesat, por keta te fundit kane vene ne veprim dhunen fizike, duke e goditur ate me sende te forta ne koke. Drejtuesi i mjetit taksi, ka mundur t'i shpetoje dhunes se metejshme te grabitesve duke manovruar dhe eshte larguar me shpejtesi. Pak minuta me pas shoferi i taksise, i cili fatmiresisht ka shpetuar nga dhuna e metejshme, eshte drejtuar ne polici, ku ka depozituar edhe kallezimin penal ndaj dy agresoreve. Pas pershkrimit te autoreve, policia ka mundur te identifikoje njerin prej tyre, dhe dy dite me pas ka mundur ta prangose ate. Sipas policise, njeri prej te dyshuarve eshte Bujar Marku, 23 vjec, banues ne Paskuqan. Pas kryerjes se veprimeve hetimore, policia po punon per identifikimin dhe kapjen e autorit tjeter te kesaj ngjarje. I arrestuari, Bujar Marku, do te procedohet penalisht per vepren penale te "vjedhjes me dhune te mbetur ne tentative". Kjo nuk eshte hera e pare qe taksistet bien pre e dhunes se shfrenuar te grabitesve. Ne shume raste, agresoret shfrytezojne oret e vona te nates, per te vene ne zbatim planin e tyre.