Tërhiqet presidentja e Baselit
Nga Express më 12 gusht 2011 në ora 18:40
Njëra prej pak femrave që udhëheqin klube nga elita e futbollit evropian ka paralajmëruar se këtë vit do të tërhiqet nga detyra për arsye shëndetësore.
Presidentja e Baselit, Gisela Oeri, e njohur si ‘Gigi’, investoi miliona franga në klub prej kur iu bashkua bordit të drejtorëve më 1999.
55-vjeçarja Oeri është e martuar në familje që ka në pronësi gjigantin farmaceutik, Roche Holding AF.
Ajo ka qenë presidente e Baselit për pesë vite gjatë së cilave klubi fitoi pesë tituj në ligën zvicerane.
Lidershipi i saj do të përfundojë në dhjetor. Ajo do të zëvendësohet nga nënkryetari Bernhard Huesler.