Terry është më i fortë se më parë

Pa marrë parasysh polemikat që qarkullojnë kohëve të fundit për jetën private të John Terry, bashkëlojtari i tij, Frank Lampard thotë se mbrojtësi i Chelseas mbetet gjithmonë njëri prej mbrojtësve më të mirë në botë.

“John po tregon se është një profesionist. Nuk është e thjeshtë të punojë dhe të angazhohet në maksimum, kur emri i tij përmendet në vazhdimësi, për disa javë, në mediet e gjithë botës”, theksoi Lampard. “Lojtarët e fortë reagojnë gjithmonë me karakter dhe me personalitet në momentet e vështira: John po e bën këtë në një mënyrë unike”, theksoi ai.