Testohet Mjekesia, ngelin 57 mjeke e stomatologe Luljeta Ndoka

Provimi i shtetit duket se po filtron te gjithe ata mjeke e stomatologe, te cilet nuk do t'i kursenin gabimet gjate punes se tyre, ne dem te pacienteve. Urdhri i Mjekut ka publikuar dje rezultatet e ketij testimi, per disa kategori studentesh te sapodiplomuar. Sipas ketij Urdhri, rreth 57 studente te Fakultetit te Mjekesise, prej te cileve 18 mjeke te pergjithshem dhe 39 stomatologe, nuk e kane marre provimin e shtetit qe u zhvillua ne maj te ketij viti, duke i mohuar vetes ne kete menyre te mos punesohen si pasoje e mosmarrjes se licences per ushtrimin e profesionit. Zv.sekretarja e pergjithshme e Urdhrit te Mjekut, Kontilia Rapo ne nje deklarate per mediat tha se ajo qe u vu re ne fazen e dyte te provimit te shtetit i zhvilluar ne periudhen 8 -11 Maj 2012, ishte numri me i madh i mbetesve ne degen e stomatologjise. Sipas saj, 32 mbetes prej tyre vinin nga universitetet private dhe nota mesatare e tyre ne provim ishte 6.7. Ndersa ne degen e mjekesise se pergjithshme, kandidatet e diplomuar ne fakultetin e mjekesise te Universitetit te Tiranes dolen me rezultate me te mira dhe me note mesatare 8. "Numri i mjekeve te sapodiplomuar te regjistruar provizorisht per praktiken profesionale per provimin e radhes ka qene me i larte se sezonin e kaluar, sidomos numri i Mjekeve te Pergjithshem. Per stomatologet niveli eshte sigurisht me i dobet", tha Rapo. Sipas saj, jane regjistruar mjeke stomatologe te diplomuar ne 4 Universitete te Ndryshme, Universiteti i Tiranes, Albanian University (UFO), Universiteti i Kristalit dhe Universiteti Zoja e Keshillit te Mire. "Si konkluzion, mund te themi se keto Universitete si dhe Ministria e Arsimit dhe e Shkences duhet te kene ne konsiderate punen e tyre per rritjen e nivelit te mesimdhenies dhe pergatitjen me te mire te kuadrit qe diplomojne", u shpreh perfaqesuesi i Urdhrit te Mjekut prane komisionit te provimit te shtetit, doktor Thanas Gjika. Ne baze te te dhenave qe disponon Urdhri i Mjekut, jane regjistruar provizorisht prane ketij urdhri rreth 102 kandidate, 47 mjeke te pergjithshem dhe 65 stomatologe, por asnje prej tyre nuk eshte regjistruar asnjehere per ne provimin shtetit.

Te dhena:

Mbesin 57 studente te Mjekesise

18 jane mjeke te pergjithshem

39 mbetes, stomatologe

Testimi u zhvillua nga 8 -11 Maj

32 mbetes, nga shkollat private

Mesatarja e tyre, 6.7

UT, mesatarja e mjekeve 8