Tetor, nis verifikimi per 450 mije tituj pronesie

Ministria e Bujqesise do te nise verifikimin gjate muajit tetor per rreth 450 mije tituj pronesie per token, qe jane dhene ne te gjithe vendin. Burimet zyrtare ne Ministrine e Bujqesise bene te ditur dje se, grupi i punes ne ministri, ka bere gati materialet mbi kategorizimin e tokave, duke percaktuar dhe llogaritur sakte siperfaqet dhe shtrirjen gjeografike te tokave te ndara ne 11 qarqe te vendit, te cilat do t'i vihen ne perdorim komisionit te posacem qe do te kryeje verifikimin e titujve te pronesise. Sipas te njejtave burime verifikimi i titujve te pronesise, synon te pergatise bazen e te dhenave, permes te cilave do te evidentohen rastet problematike, te shfaqura, deri ne mbylljen perfundimtare te procesit te shperndarjes se tokes bujqesore. Monitorimi nga komisionet e ngritura nen drejtimin e komisionit qeveritar, do te vazhdoje rreth tre vjet, kohe ne perputhje me ligjin "Mbi verifikimin e titujve te pronesise". Krahas zonave, ku jane ndeshur konflikte te herepashershme, komisionet do te perqendrojne kontrollet edhe ne zonat turistike, me qellim evidentimin e abuzimeve, apo shkeljeve, qe mund te jene bere me tituj e pronesise.

Per rastet e verifikimit te titujve te pronesise ne toka bujqesore, puna do te nise duke u bazuar ne rastet e ankesave te vete fermereve, ndersa tokat bregdetare do te verifikohen nje per nje. Sipas Ministrise se Bujqesise, do te verifikohen ato raste kur jane pajisur dhe kane fituar titujt e pronesise pa te drejte, duke e regjistruar ne zyren e Regjistrimit te Pasurive te Paluajtshme si toke bujqesore, kur ajo ka qene pyje apo kullote. Gjithashtu nje kategori tjeter qe do te perfshihet nga kontrolli eshte kur, ne kadastren e atij viti kur eshte perfituar toka, familja nuk ka qene banore e ndermarrjes bujqesore apo kooperatives, prej nga ka perfituar token.