Teuta, barazimi pa gola që mjafton

Në një mesditë të ftohtë, në një stadium të ftohtë ku tifozët ishin shumë të rrallë, Teuta dhe Apolonia kanë dhuruar një ndeshje që i shkonte për shtat peisazhit, duke mos shkuar dot më larg se një barazim me rrjeta të paprekura, që mban kështu në këtë veprimtari durrsakët, të cilët i falen asaj fitoreje 2-1 që kishin arritur më 25 tetor 2006 në Fier. Fituesja e Kupës së Shqipërisë për sezonin 2004-2005, Teuta, e cila pati mposhtur në atë finale Tiranën e drejtuar nga ai që tashmë është trajner i durrsakëve, Sulejman Starova, ka marrë kështu rezultatin që i nevojitej, pa u munduar shumë dhe duke menduar më tepër për ndeshjen e radhës në kampionat, atë të së dielën në kryeqytet përballë Partizanit.

TEUTA 0
Apolonia 0
Gjyqtarë: Nase, Bejko, Bejtja
Stadiumi "Niko Dovana", Durrës
(Rezultati i përgjithshëm: 2-1)