Tevez rikthehet në Boca Juniors?

Është duke u zgjeruar çdo ditë e më shumë lista e skuadrave që e ëndërrojnë Carlos Tevezin. E përditshmja britanike, ‘Daily Mail’ shkruante të martën se ‘Apache’ është bërë shënjestër e Boca Juniorsit, për të cilën kishte luajtur në periudhën 2001-2004.

Kohë më parë, udhëheqësit e klubit argjentinas e kishin konfirmuar dëshirën për ta rikthyer futbollistin e Manchester Cityt, i cili i ka prishur punët me klubin aktual. Për të, interesim ka shfaqur edhe klubi brazilian, Corinthians, ku kishte luajtur më parë. Në Evropë, Tevezi pëlqehet nga Interi dhe Real Madridi.