Thaci: Ne BE si shtet i vetem, nese vonohet Brukseli Qamil Xhani
Kryeministri i qeverise se Kosoves Hashim Thaci, ka folur pa dorashka per marredheniet mes shtetit me te ri ne Evrope, me politikat e nje pjese te zyrtareve te Bashkimit Evropian. Ne nje fjalim te mbajtur dje ne Kuvend, Thaci ka deklaruar se “nje pjese e zyrtareve burokrate te Brukselit, vazhdojne t'i shohin shqiptaret si qytetare te kategorise se dyte, sipas modelit te trajtimit te tyre ne Jugosllavine e Titos”. Duke folur per procesin e liberalizimit te vizave dhe qendrimin e Brukselit ndaj kushteve te Kosoves, Thaci ka qene edhe me i qarte. Sipas tij, nese Brukseli do te vonohet dhe do vazhdoje te sillet ne te njejten menyre me qytetaret e Kosoves, shqiptareve s’u mbetet gje tjeter vecse te hyjne ne BE, si nje shtet i vetem. “Nese vonohet dhe vazhdon te sillet keshtu Brukseli, atehere shqiptareve nuk u mbetet tjeter alternative, vetem te akomodohen ne BE me se miri dhe me se lehti si nje shtet i vetem”, u shpreh kryeministri i Kosoves, Hashim Thaci. Reagimi i kryeministrit te Kosoves, erdhi pas raportimeve ne media, per raportin e fundit te Komisionit Evropian per liberalizimin e vizave. Thaci u shpreh se Kosova prej vitesh e ka merituar liberalizimin e vizave dhe ka vecuar se Kosova, ka plotesuar standardet edhe me mire se disa anetare te BE-se. Por sic tha ai, nje pjese e zyrtareve burokrate te Brukselit, nuk i shohin shtetasit e Kosoves si qytetare te barabarte. "Kjo eshte e vertete, e them me pergjegjesi te plote si kryeminister i Republikes se Kosoves dhe e kam thene edhe ne takime te mbyllura me zyrtaret e Brukselit", ka thene Thaci. Sipas tij, vonesa e procesit te liberalizimit te vizave nuk eshte teknike, por lidhet me mos koordinimin e qeverimeve te vendeve te Bashkimit Evropian. “Ngecjet per procesin e liberalizimit te vizave per Kosoven nuk jane teknike, jane kryekeput politike dhe keto pengesa jane dhe nderlidhen drejtperdrejte me mos-unitetin e vendeve te Bashkimit Evropian, persa i perket statusit politik te Kosoves. Kjo vonese e Brukselit, eshte e padrejte ne raport me Kosoven”, tha kryeministri Thaci. Diten e marte, zyrtare te Komisioni Evropian komentuan procesin e udherrefyesit per liberalizimin e vizave. Drejtues te institucioneve te BE, u shprehen se problemet me luften kunder krimit te organizuar dhe korrupsionit, radhiten ne mesin e pengesave kryesore per Kosoven, qe te perfshihet ne vendet qe nuk aplikojne viza, per ne Bashkimin Evropian.