Thaçi e Sejdiu: Serbia, dështim edhe në OKB

Kryeministri i Kosovës, Hashim Thaçi ka shprehur bindjen e tij se rezoluta e Serbisë në Asamblenë e Përgjithshme të OKB-së do të dështojë, njësoj si nisma në Gjykatën Ndërkombëtare të Drejtësisë.

Thaçi ka deklaruar se Prishtina zyrtare është përgatitur për përballjen me Beogradin në OKB dhe ka saktësuar se në seancën e posaçme do të jetë i pranishëm ai, së bashku me presidentin Sejdiu dhe ministrin e Jashtëm Skënder Hyseni.

Nga ana tjetër, edhe presidenti Fatmir Sejdiu ka shprehur bindjen e tij se Serbia edhe në OKB do të marrë përgjigjen e merituar.