Tifozeria lushnjare dështimet ia faturon kuksianëve

Nga Julian Kasapi

Skuadra lushnjare, ndër të paktat që po luan ndeshje me moral të lartë në kampionat, gjëndet këtë javë përpara një tjetër barriere. Komisioni i Disiplinës e ka ndëshkuar që ta luajë ndeshjen kundër Gramozit pa tifozë, për shkak të incidenteve ndaj Besës.

Natyrisht kjo nuk është pritur mirë nga tifozeria vendase, e cila edhe pas barazimit pa gola në Gramsh, shikon veprimet e kuksianëve që duan me çdo kusht ta pengojnë për të arritur në vendin e dytë, çka do të thotë kalim automatikisht në superligë.

Por pavarësisht nga kjo situatë e krijuar në mjedisin e tifozerisë, ekipi i Lushnjës e ka nisur punën për takimin e radhës, ku do të presë në stadiumin Roza Haxhiu të boshatisur ekipin e Gramozit. Stërvitja e tyre e djeshme u përqëndrua kryesisht në shumë ushtrime çlodhjeje të musklaturës, sesa në një seancë me ngarkesa tekniko-taktike.