Tiranë-Elbasan, mazhoranca: Marrëveshja e kredisë prej 20.4 milionë dollarë plotëson financimin në të tre komponentët

Kuvendi diskutoi sot marrëveshjen e huasë ndërmjet Republikës së Shqipërisë dhe Fondit të OPEC-ut për Zhvillim Ndërkombëtar, për financimin e projektit të rrugës Tiranë-Elbasan. Relatore e këtij p/ligji, deputetja Adriana Gjonaj tha se marrëveshja e kredisë prej 20.4 milionë dollarësh për financimin e ndërtimit të rrugës Tiranë-Elbasan, plotëson paketën e financimit për të tre komponentët e rrugës Tiranë-Elbasan.
Ndërtimi i këtij projekti, i cilësuar si prioriteti i qeverisë shqiptare, sipas relatores Gjonaj, llogaritet të ketë një kosto prej rreth 290 milionë dollarësh.
Projekti është bashkëfinancim i tre kreditorëve të huaj, IDB, OFID, Fondi Abu Dhabi-t për Zhvillim dhe qeverisë shqiptare.

I gjithë financimi i huaj i projektit u realizua me kredi zhvillimi me terma të buta, norma të ulëta interesi dhe afate shlyerje shumë të gjata.