Tirane, Rama cel konkursin per zhvillimin urban

Kryetari i bashkise se Tiranes, Edi Rama ka celur konkursin nderkombetar per zhvillimin urban te zones ne hyrje te Tiranes, qe shtrihet ne veri-perendim te qytetit pergjate rruges se Durresit.

Per zhvillimin e zones, ku me pare ndodheshin godinat e ish-pularise, tre firma te huaja kane paraqitur projekte konkrete per zhvillimin urban dhe tregtar te kesaj zone qe perfshin unazen e jashtme te qytetit, aksin kryesor te hyrjes ne Tirane dhe me pas vazhdon deri tek mbikalimi i Kamzes dhe vijon me kryqezimin e unazes se madhe dhe rrugen e Durresit.

Firma e pare, “BLK Architects” ka parashikuar ngritjen e nivelit te autostrades ne hyrje te te cilave do te jene dy ndertesa te larta te cilat do te sherbejne edhe si qendra tregtare. Pjesa rezidenciale, ku do te kete shkolla, kopeshte, kinema, etj do te kete edhe hapesira te gjelberta.

Firma e dyte “Desing International”, ka projektuar ngritjen e dy kullave paralele, me 22 kate te cilat do te lidhin rrugen e Durresit me unazen dhe do te sherbejne si porta e qytetit. Ne skajin jugor te ketyre kullave do te ngrihen 4 kulla me te uleta qe do te sherbejne si qendra pazari dhe ne te djathte te tyre do te ndertohet nje shesh i madh ku do te vendoset teatri, libraria dhe objekte te tjera kulturore. Per te ulur trafikun e renduar do te ndertohen rruge dytesore dhe nje parkim i nendheshem.

Studioja e trete, “Favre and Guth” ka patur nje ide tjeter per zhvillimin e kesaj zone. Sipas saj, ne 40 % te kesaj zone do te ngrihet nje park i madh brenda te cilit do te ndertohen vetem 2 ndertesa publike dhe nje hotel. Ne pjesen tejter te hapesires do te ndertohen godina tregtare dhe rezidenciale. Ndersa per te ulur trafikun do te ndertohet nje rruge e nendheshme qe lidh kete zone me rrugen kryesore.