Tirane, aksidentohet oficeri i policise, po percillte personalitetet ne Shkoder
TIRANE - Nje oficer i Njesise se Policise Rrugore te Tiranes eshte plagosur rende teksa shoqeronte eskorten e personaliteteve shteterore qe po udhetonin nga Tirana ne drejtim te Shkodres, per shkak te situates se krijuar nga permbytjet. Ngjarja e rende ka ndodhur rreth nje jave me pare, por nuk eshte bere publike, per aq kohe sa punonjesi i policise e kaloi rrezikun per jeten dhe dy dite me pare doli nga Spitali Ushtarak, ku merrte mjekimin. Burime te rezervuara nga policia e kryeqytetit thane se oficeri i Qarkullimit, Artan P., ishte aksidentuar me motorin e tij te sherbimit, pasi kishte "percjelle" eskorten deri tek rrethrrotullimi i Doganes, ne Rrugen e Durresit, ne Tirane. Ne kthim, pasi kishte siguruar udhetimin e shefit te tij drejt Shkodres, nga pjesa tjeter e eskortes, oficeri rrugor ka pesuar aksident ne dalje te Laprakes, para se te arrinte tek rrethrrotullimi i Zogut te Zi. Fillimisht, koleget e tij kane dyshuar per ndonje perplasje te mundshme te motorit qe drejtonte Artan P. me ndonje mjet tjeter, por shume shpejt ngjarja eshte sqaruar. Sipas eksperteve rrugore, gjithçka ka ndodhur nga amortizimi i gomave te motorit, siperfaqja e te cilave ishte bere plotesisht e lemuar si pasoje e perdorimit per nje kohe te gjate, e ne kete menyre, sipas eksperteve kishin koeficient te ulet ferkimi me token. I ndikuar edhe nga kushtet atmosferike, per shkak te shiut, motori i oficerit te Policise Rrugore ka rreshqitur, duke pershkuar disa metra ne asfalt. Menjehere kane nderhyre koleget e policit te aksidentuar, te cilet e kane transportuar me urgjence per ne Spitalin Ushtarak, ku mesohet se Artan P. ka qendruar deri dy dite me pare, nen kujdesin e mjekeve. Sipas burimeve nga policia, fillimisht gjendja e tij shendetesore ka qene mjaft kritike, por aktualisht ai ka lene pavijonin e spitalit dhe vazhdon mjekimin ne shtepine e tij, ne gjendje me te mire shendetesore. Ngjarja nuk eshte bere publike nga policia e kryeqytetit, per shkak se eshte cilesuar me shume si nje incident i momentit. Te pakten keshtu eshte argumentuar nga burimet e rezervuara, te cilat konfirmuan ngjarjen vetem mengjesin e djeshem. Sipas kolegeve te oficerit te plagosur, ai ende nuk eshte rikthyer ne pune, por gjendja e tij shendetesore eshte permiresuar ndjeshem.