Tiranë, gjenden të vdekur ekonomisti dhe agronomi
Pesë persona kanë gjetur vdekjen gjatë ditës së djeshme në Qarkun e Tiranës. Dy prej tyre janë gjetur të vdekur, duke ngritur edhe dyshimet e policisë për ndonjë ngjarje të mundshme penale, ndërkohë që dy të tjerë kanë vdekur nga aksidente të ndryshme. Ndërsa një i pestë ka vdekur nga një sëmundje, teksa ka qenë i burgosur, pasi ishte dënuar me shtatë vjet burg për një aksident të rëndë. Mëngjesin e djeshëm, rreth orës 08:50, shërbimet Policisë së Tiranës morën njoftimin se është gjetur i vdekur një person në stacionin elektrik të Uzinës Dinamo, në afërsi të shinave të trenit në Tiranë. Menjëherë në vendin e ngjarjes shkuan shërbimet policore nga ku u formua grupi hetimor, për të sqaruar rrethanat dhe motivet e kësaj ngjarjeje. U konkludua se viktima është Hysen Ismail Haxhiaj, 44 vjeç, banues në Tropojë, me detyrë shef i Financës dhe Buxhetit, pranë dhomave të paraburgimit në Tropojë. Pas këqyrjes së vendit të ngjarjes, nga grupi hetimor i ngritur për këtë ngjarje, paraprakisht u konkludua se vdekja e Hysen Haxhiajt është aksidentale, pasi viktima ka kaluar nëpërmjet shinave të trenit, përgjatë momenteve të ecjes së trenit në orët e para të mëngjesit të ditës së djeshme. Ndërkohë, policia po heton edhe në pista të tjera në lidhje me këtë ngjarje.
Nga ana tjetër, një person tjetër është gjetur i vdekur në fshatin Gosë të Kavajës. Astrit Kryemadhi, 37 vjeç, me detyrë agronom, dyshohet se është vetëvrarë, duke u helmuar. Policia tha se në vendin e ngjarjes janë gjetur edhe disa pesticide, që mendohet se janë përdorur nga viktima.
Ndërsa një viktimë e tretë është shënuar nga aksidentet rrugore. Në lidhje me këtë çështje, policia deklaroi se për konsumim të veprës penale të shkeljes së rregullave të qarkullimit rrugor, nga shërbimet e Komisariatit të Policisë Kavajë u krye arrestimi i Liljana Dacit, 35 vjeçe, banuese në Tiranë. Sipas policisë, kjo shtetase, duke qarkulluar në segmentin rrugor Kavajë-Durrës, me automjetin tip "Opel", ka aksidentuar me vdekje Lutfi Gjuzin, 69 vjeç. Viktima, gjatë momentit të aksidentimit, ka qenë duke kaluar nga njëri krah i rrugës në tjetrin.
Kurse autori i një aksidenti të ndodhur kohë më parë ka vdekur në burg. Burimet policore të kryeqytetit thanë se dje janë njoftuar se në spital ka gjetur vdekjen 61-vjeçari Maliq Mustafaj. Sipas të dhënave nga spitali, ky person vuante nga një sëmundje e rëndë, ndërkohë që grupi hetimor ka deklaruar se ai ka qenë në burg për një periudhë të gjatë, pasi ishte dënuar me shtatë vjet burg për aksident me pasojë vdekjen e një personi.
Por, një viktimë e pestë është shënuar në rrugën "Don Bosko". Rasti fatal bën fjalë për 54-vjeçarin Ali Mishori. Ky person ka qenë duke zbritur nga shkallët e pallatit, kur është rrëzuar dhe për pasojë ka gjetur vdekjen. Policia tha se për të gjitha rastet po hetohet dhe dokumentet janë dërguar në prokurori.
Nga ana tjetër, një person tjetër është gjetur i vdekur në fshatin Gosë të Kavajës. Astrit Kryemadhi, 37 vjeç, me detyrë agronom, dyshohet se është vetëvrarë, duke u helmuar. Policia tha se në vendin e ngjarjes janë gjetur edhe disa pesticide, që mendohet se janë përdorur nga viktima.
Ndërsa një viktimë e tretë është shënuar nga aksidentet rrugore. Në lidhje me këtë çështje, policia deklaroi se për konsumim të veprës penale të shkeljes së rregullave të qarkullimit rrugor, nga shërbimet e Komisariatit të Policisë Kavajë u krye arrestimi i Liljana Dacit, 35 vjeçe, banuese në Tiranë. Sipas policisë, kjo shtetase, duke qarkulluar në segmentin rrugor Kavajë-Durrës, me automjetin tip "Opel", ka aksidentuar me vdekje Lutfi Gjuzin, 69 vjeç. Viktima, gjatë momentit të aksidentimit, ka qenë duke kaluar nga njëri krah i rrugës në tjetrin.
Kurse autori i një aksidenti të ndodhur kohë më parë ka vdekur në burg. Burimet policore të kryeqytetit thanë se dje janë njoftuar se në spital ka gjetur vdekjen 61-vjeçari Maliq Mustafaj. Sipas të dhënave nga spitali, ky person vuante nga një sëmundje e rëndë, ndërkohë që grupi hetimor ka deklaruar se ai ka qenë në burg për një periudhë të gjatë, pasi ishte dënuar me shtatë vjet burg për aksident me pasojë vdekjen e një personi.
Por, një viktimë e pestë është shënuar në rrugën "Don Bosko". Rasti fatal bën fjalë për 54-vjeçarin Ali Mishori. Ky person ka qenë duke zbritur nga shkallët e pallatit, kur është rrëzuar dhe për pasojë ka gjetur vdekjen. Policia tha se për të gjitha rastet po hetohet dhe dokumentet janë dërguar në prokurori.