Tiranë, plagoset me armë një 24-vjeçar

Një 24-vjeçar është plagosur me armë mbrëmjen e sotme në kryeqytet. Ngjarja e rëndë ka ndodhur pranë fakultetit të Inxhinierisë së Ndërtimit në Tiranë ku 24-vjeçari Roland Ndokaj është plagour me armë.
Menjëherë i plagosuri është dërguar në spitalin Ushtarak ku mësohet se gjendja e tij shëndetësore është jashtë rrezikut për jetën.
Ndërkaq nuk dihen ende autorët e ngjarjes apo rrethanat e saj por policia ndodhet në vendngjarje dhe ka nisur hetimet.