Tiranë, shënohet viktima e 8-të nga virusi A/H1N1

Viktima e radhës është një 55-vjeçare nga Tirana, e cila njëkohësisht vuante edhe nga hipertencioni dhe diabeti. Sipas mjekëve, gruaja nuk ka shkuar në kohë në spital, çka e ka përkeqësuar edhe më gjendjen e saj shëndetësore. Edhe pse është dërguar në spital, gruaja nuk ka mundur të mbijetojë, duke humbur jetën sot në spitalin Infektiv pranë QSUT-së. Personat që vuajnë nga sëmundje kronike, bien më shpejt “pre” e virusit të derrave. Disa ditë më parë, një grua nga Kukësi humbi jetën po nga ky virus, ndërkohë që vuante edhe nga sëmundje të tjera kronike.