Tjetër RAST BRENDA ditës, burri vret bashkëshorten në Tiranë

Dy gra të vrara brenda një dite, autorët e krimit: bashkëshortët e tyre. Ngjarja e fundit ka ndodhur në Bërxullë të Tiranës. Autori i krimit është 50 vjeçari Arif Serjani, viktima Arjana Serjani, 47 vjeç. Shkak për këtë krim ka qenë xhelozia.

Pak më herët një 61-vjeçar ka ekzekutuar më mjete të forta bashkëshorten e tij, pas një grindje të çastit në fshatin Moravë të Beratit. Bashkim Myrteli ka qëlluar me mjete të forta gruan e tij Resmie Myrteli 56 vjeç, e cila ka mbetur e vdekur në vend

Është tronditëse të shohësh se sa shumë krime brenda familjes kanë ndodhur këtë vit, ndërsa policia nuk ka dhënë asnjë shifër për këtë gjendje alarmante.