Tokat bujqesore ne perdorim, kompensimi me truall

Te gjitha perdoruesit e tokave bujqesore, qe kane aktet e marrjes se tokes ne perdorim te leshuar deri ne fund te muajit shkurt 1996, do te kompensohen me truall, nese kjo toke u merret per kompensimin e ish-pronareve apo ndertime publike. Komisioni i Veprimtarive Prodhuese nisi dje ne shqyrtimin e projektligjit “Per kalimin ne pronesi pa shperblim te tokes bujqesore”, qe ben rregullime per te gjithe ate kategori njerezish qe kane ne perdorim keto toka. Komisioni nuk mori nje vendim, duke e shtyre per javen e ardhshme, ne pritje te sqarimeve te metejshme nga ekzekutivi. Sipas nismes se qeverise, kjo kategori personash do te kompensohet me truall ne baze te numrit te personave qe ka familja. Konkretisht, per familjet me 6 pjesetare, e qe do u merret toka bujqesore qe kane ne perdorim, si kompensim do u jepet 500 m2 truall. Per familjet me me pak pjesetare, siperfaqja do te ulet deri ne 100 m2 per cdo pjesetar me pak. Ata qe kane toka bujqesore ne perdorim ne zonat turistike, do te jene me te fituar. Kjo sepse kompensimi me truall do t’ju behet po ne zona turistike. Sipas te dhenave te Ministrise se Bujqesise, siperfaqja e tokes bujqesore qe ndodhet ne zonat turistike eshte rreth 10300 ha toke. E nga kjo siperfaqe subjektet qe kane toka bujqesore ne perdorim ne zonat turistike jane rreth 8000 familje, qe do te kompensohen. Por, ndonese po diskutohet aktualisht ne komisionet parlamentare, familjet qe kane toka bujqesore ne perdorim do te kompensohen me truall, vetem pasi te perfundoje procesi i legalizimit te ndertimeve informale. Proces ky qe eshte ende ne vijim e siper e nuk ka perfunduar. Komisioni do te vijoje ne mbledhjet e ardhshme diskutimet mbi projektin e qeverise R.R.