Topalli: Deputete te PS, kerkoni ndjese publike

Kryetarja e Kuvendit, Jozefina Topalli i kerkoi dje publikisht deputeteve socialiste, Fatmir Xhafaj dhe Vasilika Hysi, qe te kerkojne falje per mashtrimet dhe genjeshtrat ne lidhje me votimet ne Kuvend te kryera nje jave me pare. Sipas Topallit, Xhafaj duhet te kerkoje ndjese, qe tha se emrat e Komisionit Hetimor parlamentar te anetareve te mazhorances, nuk u lexuan dhe as votuan. Pasi per votimin e tyre ka pamje filmike. Po keshtu falje publike te kerkoje edhe Hysi, e cila deklaroi se kryeministri Sali Berisha dhe zevendeskryeministri Ilir Meta, votuan ne po te njejten seance, ne nje kohe kur nuk moren pjese ne votim. "Ju perpara se te beni deklarata apo konferenca shtypi, duhet t'i kerkoni ndjese publike shqiptareve, per mashtrimet qe beni. Merrini dhe kasetat me pamje filmike edhe vendimin e seances se kaluar, per te pare mashtrimet tuaja", tha ne seance plenare Topalli. Pavaresisht kerkeses se kryetares, asnje prej socialisteve nuk kerkoi falje. Perkundrazi si Xhafaj dhe Hysi deklaruan se nuk kane genjyer aspak. Madje Hysi terhoqi vemendjen ne seancen e djeshme plenare, se ndonese shume deputete mungojne nga te dy kampet politike, ne tabelen elektronike vijojne te dalin sikur jane prezente, pasi kartat e tyre nuk jane hequr. I njejti problem, sipas deputetes socialiste, ka ndodhur edhe ne seancen e kaluar, kur u votua ngritja e Komisionit Hetimor per transparencen zgjedhore. Ne fakt prej me shume se nje jave, Kuvendi ka miratuar ngritjen e Komisionit Hetimor per transparence zgjedhore, por ai ende nuk ka nisur se funksionuari. Komisioni zyrtarisht perbehet vetem nga anetaret e mazhorances, pasi opozita ka deklaruar se nuk do te marre pjese kurre ne nje komision te tille.