Topalli: Do t’i drejtohem KQZ

 

Dy ditë më parë kryeparlamentarja Jozefina Topalli në një intervistë televizive u shpreh se pas mbarimit të afatit 6 mujor të mandatit të deputetëve do t’i drejtohet KQZ-së për t’u shprehur në lidhje me këtë situata. Sipas saj, Këshilli i Legjislacionit, do të jetë institucioni që do të vlerësojë nëse ka mbaruar ose jo mandati i deputetit. “Besoj se Këshilli i Legjislacionit, do të konsultohet me KQZ-në në lidhje me këtë çështje. I bëj thirrje deputetëve që të jenë prezentë në Kuvend”, theksoi Topalli.