Topalli ne Bruksel, prek ceshtjen e vizave e integrimit

Liberalizimi i vizave dhe roli i Parlamenteve ne Integrimin e Ballkanit, do te jene pjese e diskutimeve qe do te zhvilloje sot Kryetarja e Kuvendit Jozefina Topalli me personaliteve te ndryshme ne Parlamentin Evropian. Ne viziten e saj ne Bruksel, Topalli do te marre pjese ne takimin parlamentar mbi Ballkanin Perendimor, ne Parlamentin Evropian me teme: “Arritja e perspektives Europiane per Evropen Juglindore”. Ky takim Plenar, do te drejtohet nga President i Parlamentit Evropian Z.Hans-Gert Poettering dhe Presidenti i Asamblese Kombetare te Republikes se Sllovenise, e cila mban kryesine e radhes se BE-se, France Cukjati. I pranishem do te jete dhe Komisioneri per Zgjerimin Evropian Olli Rehn, i cili do te diskutoje mbi temen : “Strategjia e Komisionit Evropian drejt Ballkanit Perendimor”. Kryetarja e Kuvendit pritet te mbaje nje sere takimesh me europarlamentare dhe homologe te Parlamenteve te Evropes Juglindore, thuhet nga zyra e shtypit te Kuvendit. Ne fjalimet e personaliteteve te larta evropiane do te trajtohen ceshtje si “Roli i Parlamenteve ne Integrimin e Ballkanit Perendimor ne Bashkimin Evropian” si dhe problemet qe lidhen me politikat e vizave. Gjate sesioneve te takimit, do te mbahen fjalime nga Kryetare te Parlamenteve Kombetare te Vendeve te Ballkanit Perendimor. Vizita e Kryetares Topalli do te vijoje dhe ne dy ditet e ardhshme. Mungesa e saj shtyn edhe per kete jave, shqyrtimin ne Keshillin e Rregullores, Mandateve dhe Imuniteteve te kerkeses se kryeprokurores Ina Rama per heqjen e imunitetit te ish ministrit te Mbrojtjes Fatmir Mediu. Deri me sot, anetaret e keshillit jane njohur vetem me kerkesat e akuzat e prokurorise. Ne mbledhjen e ardhshme, ish ministrit Mediu i eshte dhene mundesia qe te flase para keshillit per akuzat e ngritura ndaj tij dhe kerkesen e prokurorise. Me pas keshilli do te mund te vendose per heqjen apo jo te imunitetit te tij.

Imuniteti

Shtyhet dhe per kete jave diskutimi ne keshill i heqjes apo jo te imunitetit te ish ministrit te Mbrojtjes Fatmir Mediu per tragjedine e Gerdecit. Axhenda e kryetares Jozefina Topalli vazhdon te jete e ngjeshur me udhetime. Ne ditet e ardhshme ajo do te marre pjese ne Parlamentin Evropian per ceshtjet e Ballkanit Perendimor.