Topalli perjashton Maliqin 2 jave
Ndeshkohet per 13 dite me perjashtim nga seanca plenare edhe deputeti demokrat, Lefter Maliqi. Vendimi u more dje nga Byroja Parlamentare, ne fund te seances plenare, me argumentin se deputeti i PD-se ne Qarkun e Beratit theu etiken parlamentare. Perjashtimi u be pak kohe pasi jashte dyerve te Parlamentit, deputetet socialiste po protestonin per perjashtimin e Taulant Balles, nje jave me pare po per thyerje te etikes parlamentare. Kryetarja e Kuvendit, Jozefina Topalli, e paralajmeroi disa here gjate zhvillimit te seances plenare deputetin Maliqi, qe te kete kujdes dhe te mos fyeje. Madje Topallit, ju desh qe t’i nderpriste fjalen dhe me tone teper te larta, t’i kerkonte te ulej ne vend deputetit. “Te paralajmerova per te treten here. Te terheq vemendjen, ulu, do te mbledh Byrone per kete sjellje”,-tha Topalli. Reagimi i kryetares erdhi pasi deputeti Maliqi, akuzoi tre socialistet, Gramoz Rucin, Taulant Ballen dhe Erjon Bracen, si rrugace, xhepista etj. “Bejne proteste per Taulant Ballen keta. Por Balla kerkon fjalen e lire, po vetem per ate nuk flet ai. T’ua tregoje para shqiptareve se kush e ka pare dhe pse bredh rrugeve te Turqise. Apo Ruci ne Greqi, qe patriotet tane me thane, se kemi pare ne 96-97, nje zonje qe ishte Ruci. Akoma me keq, i vogli, Brace, xhepisti qe ne 1996 e goditen qytetaret e Beratit. Ai sic e ka nisur, ashtu do te bitiset, eshte rrugac”,-tha Maliqi. Nderkohe qe socialistet mbyllin gojen me maska te zeza jashte dyerve te Kuvendit, ne shenje proteste ndaj vendimit te Byrose Parlamentare, per perjashtimin dy jave nga seanca plenare, te deputetin Taulant Balla dhe paralajmerimin per Sajmir Tahirin. Ne deren e jashtme te Kuvendit, te gjithe se bashku me cadra, deputetet socialiste mbajten nje minute heshtje me gojen e mbyllur per t’i treguar mazhorances, se po dhunon edhe fjalen e lire. “Ja ku jemi ketu, perpara nje Parlamenti qe na mbylli deren. Kjo mazhorance qe na vodhi voten, qe nuk lejon transparencen, qe po e deformon shtetin e se drejtes, dhunoi edhe opoziten duke iu mbyllur gojen”, tha kreu i grupit parlamentar socialist, Gramoz Ruci, duke ftuar te gjithe socialistet te zene gojen me fashen e zeze, qe demonstron se tashme po dhunohet edhe fjala e lire, jo vetem vota e lire. Ne dyert e jashtme te Kuvendit, aty ku opozita qendroi per rreth 30 minuta, socialistet vendosen edhe dy postera te medhenj qe ne shqip dhe anglisht shkruanin “Nuk ka vote te lire pa fjale te lire”. “Opozita shqiptare nuk do te terhiqet ne asnje cast per voten e lire, per fjalen e lire dhe luften kunder transparences”, theksoi Ruci. Nderkohe qe figurat kryesore te selise roze, akuzuan mazhorancen se po shkel te drejten e fjales.