Topi: “Ndihme per jetimet dhe status per minatoret”
Presidenti i Republikes, Bamir Topi, ka mberritur dje ne qytetin e Bulqizes, per te ngushelluar familjen, qe humbi dy vellezer ne galerite e minieres. Topi u prit nga babai 80-vjecar i Njazi e Besnik Alliut. Ahmet Alliu, i cili mezi mbahej ne kembe nga mosha dhe dhimbja, ka falenderuar Presidentin per viziten dhe per vemendjen e tij ndaj minatoreve te Bulqizes. Kryetari i shtetit ka premtuar se nuk do te mungoje kujdesi per femijet e minatoreve qe humben jeten tragjikisht ne kete miniere. Ai shoqerohej nga deputetet e mazhorances, Sali Shehu, Rrahim Kaleci e Genc Sharku, prefekti i Dibres, Xhaferr Seiti, kryetari i Bashkise Bulqize, Roland Keta dhe drejtues te tjere ne nivel vendor.
Ne zyren e kryetarit te Bashkise Bulqizes, Topi eshte takuar me familjare dhe te aferm te familjeve te 8 minatoreve, qe jane aksidentuar ne 13 muajt e fundit ne minieren e kromit. “Ju shpreh ngushellimet me te sinqerta, tha Presidenti ne fillim te ligjerates se tij. Pata rastin te ngushelloj familjen e nje minatori qe humbi jeten tragjikisht. Nuk kemi te bejme vetem me familjen e viktimave, por me te gjithe komunitetin e ketushem”. Bamir Topi tha se keto tragjedi duhet te parandalohen dhe jane te gjitha mundesite qe ato te mos ndodhin. Presidenti verejti se firmat qe administrojne minierat duhet te bejne me shume kujdes per te siguruar jeten e minatoreve.
Ne te gjitha takimet e zhvilluara ne Bulqize, Presidenti Bamir Topi pohoi se kerkohet nje iniciative ligjvenese per miratimin e Statusit te Minatorit. “Ne kushtet aktuale te cmimit te favorshem te kromit, duhet te permiresohen edhe kushtet. Jo dikush te lumturohet nga shitja e kromit dhe nga ana tjeter tragjedite te shtohen ne miniere”, tha Presidenti.
Takimin e trete, Presidenti Topi e zhvilloi me sindikaliste dhe drejtues te minieres se kromit Bulqize. Edhe ne kete bashkebisedim, Presidenti pohoi se kishte informacion te plote rreth problemeve qe jane krijuar ne minieren e kromit. “Megjithese ka tendenca te rritjes se kujdesit, kemi perseri humbje jete. Mund te besh mrekulli, por kur ndodhin tragjedi ato sfumohen”, deklaroi Presidenti i vendit. Ai theksoi se miniera eshte nje mundesi e mire punesimi per banoret e Bulqizes, por ajo nuk duhet te shtoje fatkeqesite ne kete zone. “Te flasim hapur, tha Topi, duhet te shkojne paralelisht interesi i kompanive per te rritur te ardhurat me detyrimin per te plotesuar kushtet e punes per minatoret”.
A. Ndoja