Topi: Shpresojme per zgjedhje te ndershme

Presidenti i Republikes, Bamir Topi, tha dje se me ligjin e ri zgjedhor, kartat e identitetit dhe reformat, keto zgjedhje do te zhvillohen te lira dhe te ndershme. Deklaraten, kreu i shtetit e beri pas takimit me homologun e tij slloven Danilo Turk, ne konferencen e perbashket per shtyp. Presidenti, e informoi homologun slloven ne lidhje me reformat qe Shqiperia po realizon jo vetem ne sistemin zgjedhor por dhe ne ate te drejtesise. Kreu i shtetit Topi, informoi se gjate bisedes mes tyre u ndal dhe ne ceshtjen e liberalizimit te vizave per shtetasit shqiptare drejt vendeve te Bashkimit Evropian. "Shqiperia po ecen ne fushen e reformave. Ndaj i komunikova Presidentit Slloven, nje nga shqetesimet e medha, jo vetem institucional por dhe qytetar, qe shtetasit shqiptar te kene te drejte te levizin lirisht. Kur Shqiperia po integrohet ne instrumente te rendesishme, eshte normale te kerkohet qe te gjithe te levizin lirisht", u shpreh Presidenti. Kerkese kjo e cila u mbeshtet dhe nga Presidenti Slloven, Danilo Turk. Ai theksoi se Sllovenia mbeshtet, aspiratat e natyrshme te Shqiperise per levizje te lire ne vendet e Bashkimit Evropian. "Eshte element perberes i Shqiperise ne rrugen e saj drejt Bashkimit Evropian. Mbeshtesim faktin qe Shqiperia ne keto kushte po konsideron faktin e marrjes se statusit per vendin kandidat. Ne do e mbeshtesim", vijoi Presidenti slloven. Gjate takimit mes dy personaliteteve, u vleresua dhe perfundimi i procesit te ratifikimit te Protokollit per anetaresimin e Shqiperise ne NATO, nga te gjitha vendet e Bashkimit Evropian. Palet vleresuan se eshte i nevojshem thellimi i marredhenieve dhe rritja e investimeve sllovene ne vend. Biseda mes tyre u ndal dhe ne situaten ne rajon, ku Presidenti Slloven vleresoi rolin e rendesishem te Shqiperise per paqen ne rajon.

Presidenti: "Dosjet", institucionet jane pozicionuar qarte

Presidenti i Republikes ka vendosur te heshte per ceshtjen e dosjeve, duke mos komentuar as vendimin me te fundit te Gjykates Kushtetuese, qe pezulloi zbatimin e ligjit. Diten e djeshme, kreu i shtetit, u shpreh se qendrimi i tij eshte kushtetues dhe vendimi i qarte ne respekt te ligjit themeltar te shtetit. "Une konstatoj qe institucionet dhe faktoret politike, kane marre pozicionin e tyre te qarte, duke respektuar themelet e shtetit ligjor dhe ne respekt te kushtetutes", theksoi Topi.