Topi dekoron Ahmet Osja me titullin Mjeshtër i Madh
Në 70-vjetorin e lindjes, specialisti i shquar i bujqësisë Prof. Ahmet Osja është dekoruar nga Presidenti i Republikës, Bamir Topi me titullin Mjeshtër i Madh me motivacionin: Për kontribut të rëndësishëm në zhvillimin e bujqësisë shqiptare si drejtues, specialist dhe shkencëtar, veçanërisht në aplikimin e metodave moderne të kërkimit për krijimin dhe prodhimin e hibrideve të misrit.
Profesor Osja me një karrierë 45-vjeçare, është vlerësuar edhe nga Këshilli Bashkiak i Shkodrës me titullin Mirënjohja e Qytetit.