Topi dekoron aktorin Sandër Prosi me Urdhrin "Nderi i Kombit"

Një ndër etërit e kinematografisë shqiptare, rrënjosur në kujtesën e publikut në portretin e Ismail Qemalit tek "Nëntori i Dytë" apo Dhaskal Todrit tek "Udha e Shkronjave" aktori i kulmuar Sandër Prosi u dekorua nga Presidenti i Republikës Bamir Topi me titullin më të lartë "Nderi i Kombit". Në praninë e trashëgimtarit të tij violincelistit të njohur Aristidh Prosi dhe komunitetit të kineastëve e aktorëve shqiptarë. Presidenti Topi vlerësoi trinomin
e mishëruar tek ikona e filmit shqip fjalën e interpretuar të njësuar me personazhet e shënjuara në memorien kombëtare.

Miqtë e Artit si kompozitori Robert Radoja dhe artistja Roza Anagnosti e pasurojnë këtë vlerësim të lartë nga presidenti me përjetime plot emocion të ndara së bashku.

Roli i parë i Sandër Prosit ishte në William Tell dramën e Shillerit. Në 1947, ai mori pjesë në konkursin në Teatrin Kombëtar të Shqipërisë dhe fitoi. Mes teatrit dhe filmit ai u kulmua edhe si profesor në Akademinë e Arteve në vitet 1962-1975, nga kujtohet si ati shpirtëror i disa plejadave aktorësh të njohur të kinemasë shqipe. Sandër Prosi përgjatë karrierës si aktor themeltar interpretoi më shumë se 100 role në teatër dhe në filma.