Topi ne Kine Projekti bashkimi i rrjeteve te telefonise
Ne diten e pare te qendrimit te tij ne qytetin e Shangait Presidenti i Republikes Bamir Topi se bashku me Zonjen e Pare Teuta Topi dhe ne krye te delegacionit zyrtar vizitoi dje Qendren e Kerkimit dhe Zhvillimit ne Shangai te kompanise prestigjioze kineze te teknologjise dhe komunikacionit Huawei. Presidenti Topi u prit nga zevendespresidenti i kompanise z. Jiang Xia i cili e njohu kryetarin e shtetit shqiptar me disa prej drejtimeve kryesore te veprimtarise organizimin e forces se punes te prodhimeve strategjite perparesore te operimit ne tregun e brendshem dhe ate te jashtem te kesaj kompanie etj. Ne kete kuader z. Xia shprehu interesimin e lidhjeve te bashkepunimit dhe zgjerimin e marredhenieve me Shqiperine dhe e informoi per planifikimin e hapjes se afermi te nje dege edhe ne Kosove.
Nga ana e tij Presidenti Topi vuri ne dukje disa prej potencialeve ekonomike te cilat ofron Shqiperia duke vleresuar klimen e favorshme per zhvillimin e biznesit dhe hapesirat e nevojshme per thithjen e investimeve te huaja. Ne kete kontekst kryetari i shtetit nenvizoi se marredhenieve te mira tradicionale mes dy vendeve dhe popujve tane i korrespondon nje bashkepunim i frytshem ekonomik i cili duhet te zgjerohet e te konsolidohet edhe me tej ne te ardhmen. Ne perfundim te vizites ne kompanine Huawei ne prani te Presidentit te Republikes u nenshkrua marreveshja e bashkepunimit midis Huawei-t dhe Albtelekomit / Eagle Mobile per projektin e bashkimit te rrjeteve te telefonise fikse dhe celulare. Gjithashtu gjate dites se djeshme Presidenti Topi dhe Zonja e Pare Teuta Topi vizituan disa prej vendeve historike dhe kulturore me te rendesishme te Shangait Muzeun e Shangait ku u ndal vecanerisht ne pavijonin qe ekspozon gjetje arkeologjike te periudhes parahistorike te bronzit dhe ne ate te qeramikes me objekte qe u perkasin dinastive Ming dhe Qing pergjate shekujve XV-XX lagjen e vjeter kulturore Tianyi Fang Muzeun e Historise se Natyres dhe te Zhvillimit Urban si dhe kullen televizive moderne Perla e Lindjes.