Torres: Chelsea do të sigurojë vendin e katërt
Sulmuesi spanjoll i Chelseat, Fernando Torres, është shprehur i kënaqur me fitoren e skuadrës së tij ndaj QPR-së.
“Blutë” e Londrës në fundjavën që shkoi munden QPR prej 6:1, duke bërë një hap të madh në garën për të siguruar një vend që çon në Ligën e Kampionëve.
Spanjolli në këtë takim ishte lojtari me i mirë duke shënuar hetrik. “Kjo javë ka qenë e vështirë për ne. Kjo fitore është e rëndësishme për ne që synojmë vendin e katërt”, ka thënë Torres.
“Ne duam t’i fitojmë të gjitha ndeshjet, sidomos pas rezultatit të Newcastle”, tha ai.
Ish-sulmuesi i Liverpoolit beson se skuadra e tij mund ta sigurojë vendin e katërt në tabelë në mënyrë që të siguroj pjesëmarrjen në Ligën e Kampionëve.