Toti thërret Luka Tonin te Roma

Kapiteni i Romës, Françesko Toti, ka shfrytëzuar mediat për t‘i bërë thirrje sulmuesit të Bajernit të Mynihut, Luka Toni, që t‘i bashkohet klubit të kryeqytetit italian. "Afro 20 ditë më parë i kam telefonuar Lukës dhe i kërkova që të bëhej pjesë e verdhekuqve", tha fantazisti. "Nuk është ndonjë çudi. Në vitet e kaluara kam bërë të njëjtën gjë me Ibrahimoviç, Mutu, Bufon, Kanavaron, Xhilardinon dhe Pizarron. Nuk po drejtoj merkaton, por vetëm kërkoj lojtarë të fortë, që mund t‘i shërbejnë Romës".