Totozani në Komisionin e Ligjeve: Rekomandimet tona nuk zbatohen

Tiranë- Avokati i Popullit, Igli Totozani ka prezantuar sot para Komisionit të Ligjeve raportin vjetor të institucionit që ai drejton.

Sipas tij institucione të ndryshme në vend, por edhe drejtësia nuk i ka marrë për bazë rekomandimet e Avokatit të Popullit. Ai është shprehur se ankesat e qytetarëve në këtë insitucion janë të shumta, dhe janë kryesisht ndaj CEZ dhe UK.

Tek ne rekomandimet quhen të pranuara, për mendimin tim një rekomandim duhet të quhet i zbatuar. Eksperieca e këtyre 4 muajve por edhe eksperienca e mëparshme me shoqërinë civile ka treguar se fjala pranuar nuk nënkupton detyrimisht fjalën zbatuar. Bile në shumë raste as që përputhen. Mund tiu them një shembull. Rastet e paraburgimit të Tropojës, ku kemi 4 vjet që kërkojmë të zhvendoset nga ambientet e komisariattit të policisë dhe të shkojë te ndërtesa e re. Kemi 4 vjet që e rekomandojmë, dhe 4 vjet na vjen përgjigjia, po e pranojmë rekomandimin tuaj dhe nuk zbatohet- deklaroi ai.

Më tej ai ka ngritur disa probleme të tjera siç janë banesat për të pastrehët, kujdesi social dhe ekonomik për emigrantët që po kthehen në Shqipëri.