Tottenhami kërkon M’Vilan
Tottenham ka paraqitur ofertë për mesfushorin e Rennesit, Yann M’Vila, kanë bërë të ditur mediet franceze të martën.
Gjiganti londinez thuhet se ka ofruar 12.7 milionë funte për 22 vjeçarin, i cili më herët gjatë këtij afati kalimtar të verës është kërkuar me ngulm edhe nga Arsenali. Rennes nuk ka refuzuar ofertën e Tottenhamit, por ka sugjeruar që palët të fillojnë negociatat.
Pasi M’Vila refuzoi mundësinë e kalimit në Zenit St Petersburg dhe Shakhtar Donetsk, oferta e Tottenhamit është aktualisht e vetmja që qëndron në tavolinë.