Trafik droge drejt Selanikut, "Debatiku" prangos ciftin korcar

Devoll- Trazirat e diteve te fundit ne Greqi kane vene ne levizje trafikantet e lendeve narkotike per te kaluar tranzit sasite e droges. Agjentet e policise vendore ndaluan mbremjen e djeshme ne Kapshtice nje cift te rinjsh qe udhetonin me autobusin e linjes Korce-Selanik. Bllokohet gjate nje operacioni te koduar "Debatiku", 3 kg kokaine dhe 300 gr heroine e fshehur ne trup, me vlere 100 mije euro. Burime zyrtare thane mbreme per gazeten "KJ" se te ndaluarit e dyshuar jane 22 vjecari Artiol Sula dhe 17-vjecarja M. K., te dy banues ne qytetin e Korces. Po mbreme eshte ndaluar edhe nje i dyshuar i trete gjate hetimeve te kryera dhe kontrolleve. Mesohet se informacionet ishin mbledhur ne rruge operative nga agjentet, qe siguruan te dhena te mjaftueshme per te ndjekur linjen e te rinjve. Ne momentin qe autobusi ka hyre ne piken kufitare te Kapshtices per perpunimin e pasagjereve ne dogane, ka nderhyre skuadra e policeve per nje kontroll rutine. "Heroina ishte e fshehur ne trup me qellim humbjen e gjurmeve", thane efektive qe morrin pjese ne operacion. Ne trupin e djalit eshte bere e mundur gjetja e sasise prej 3 kg droge, kurse ne trupin e vajzes u zbuluan 300 grame heroine. Por operacioni nuk ka perfunduar ketu, pasi agjentet kryen kontrolle edhe ne banesat e dy te rinjve qe figuronin si te lidhur me njeri-tjetrin. Deri ne oret e vona te mbremjes cifti eshte marre ne pyetje me qellim per te zbuluar bazen e trafikut nderkombetar, te trafikut te lendeve narkotike ne shtetin fqinj. Ne seancen e pare, te dyshuarit nuk kane rrefyer se ku e kane marre drogen, nderkohe qe nen hetim jane lidhjet e te rinjve dhe kontaktet e tyre ne qytetin e Korces. Ndaj tre te ndaluarve eshte ngritur akuza e "trafikut nderkombetar te lendeve narkotike ne bashkepunim".

D.Zisi