Tragjedia, shtyhet per sot seanca plenare
Kuvendi shtyn per sot mbledhjen ne seance plenare. Per shkak te tragjedise se ndodhur nga shperthimet ne Gerdec, kryetaret e grupeve parlamentare vendosen te shtyjne me nje dite mbledhjen e seances. Vendimi u mor dje ne mbledhjen e Konferences se Kryetareve, ku opozita deklaroi se pret raportim nga Kryeministri Sali Berisha mbi ngjarjen e nuk perjashton kerkesen per doreheqjen e tij. Kryetari i Grupit parlamentar te LSI-se, Pellumb Xhufi, u shpreh se do te kerkoje mocion mosbesimi per Kryeministrin Sali Berisha me pasoje doreheqjen e tij, per shkak te tragjedise se ndodhur. Keshtu, seanca do te zhvillohet pasditen e sotme, ku sigurisht nuk do te mungojne debatet dhe diskutimet mbi ngjarjen e rende, si dhe kerkesat per gjetjen e pergjegjesve. Ajo do te nise me nje raportim te hollesishem te kreut te qeverise, kerkuar nga opozita. Ne seancen e sotme jane percaktuar per t'u diskutuar dhe votuar dhe nje sere projektligjesh te rendesishme. Mes tyre dhe ndryshimet ne ligjin per "Legalizimin e Zonave Informale", projekt qe kundershtohet ashper nga opozita e majte. Projektligji qe do te hase jo pak debate ne mbledhjen e sotme, parashikon dhenien e me shume kompetencave ne procesin e legalizimit ALUIZNI-t, duke ja marre ato pushtetit vendor. Ky ndryshim argumentohet nga qeveria se kryhet per shkak se pushteti vendor nuk ka shume kapacitete per perballimin e procesit dhe po zvarrit legalizimin e zonave informale.
R.Rapushi