Trajneri i Kamerunit Le Guen jep dorëheqjen

Paul Le Guen ka deklaruar se nuk ka më se çfarë të kërkojë në stolin e Kamerunit, duke thënë se kamerunasit do të largohen nga Kampionati Botëror me mjaft pendesë për rezultatet e dobëta.

"Ne e lëmë Kampionatin Botëror me shumë pendesë. Ne e dimë se kemi mbajtur shpresat e një populli të tërë në Kamerun, por ne nuk ishim në gjendje t'i realizojmë atë. Kontrata ime po skadon dhe ishte e qartë se do të ndaloja tani. Ndoshta nuk pata sukses në unifikimin e ekipit dhe bashkimin e tij".

"Nuk dua të drejtoj gishtat tek askush apo të akuzoj dikë. Kam menduar se do të mund të nxjerrja së paku një rezultat pozitiv në këtë ndeshje", u shpreh përzgjedhësi i Kamerunit.