Tre aksidente me tre të vdekur në Tiranë

Policia bën me dije se një aksident ndodhi pranë vendit të njohur "Ura e Tabakëve", ku një makinë përplasi për vdekje një 73 vjeçar, i cili ishte duke kaluar rrugën.

Ndërsa, aksidenti tjetër ndodhi tek zona e "Stacionit të Trenit", në kryeqytet, ku një autobus i linjës së Unazës përplasi drejtuesin e një motori, i cili vdiq në spital pak orë pas aksidentit.

Po sipas policisë, në periferi të Tiranes, pranë kthesës së  Bathores, një automjet tip "Volsvagen" me targa angleze ka aksidentuar një grua, e cila ndërroi jetë menjëherë. Viktima ishte një grua  46 vjeçare. Policia po heton për zbardhjen e këtyre aksidenteve të rënda. /Start/

                                                                                             2012-08-25 08:41