Trepça 89  Ferizaj, në finale të Kupës

Trepça ’89 dhe Ferizaj do të luajnë në finale të Kupës së Kosovës në futboll.

Mitrovicasit ia dolën ta eliminojnë në gjysmëfinale kampionin aktual, Hysi, pas përballjes së dyfishtë.

Dueli i parë, i zhvilluar dy javë më parë në Mitrovicë kishte përfunduar baras, 1:1, ndërsa ‘Xehetarët’ u treguan më të sigurt në ndeshjen e kthimit, duke fituar me rezultat minimal, 1:0.

Golin e fitores për ekipin gjelbër e bardh e shënoi Kastriot Rexha, në minutën e fundit të pjesës së parë, pas harkimit të Shpëtim Idrizit. Në minutat e fundit, skuadra nga Merdara luajti me një lojtar më pak, pas ndëshkimit me karton të kuq të portierit Afrim Ademi.

Në duelin tjetër, ferizajasit ia dolën ta eliminojnë liderin e Superligës, Prishtina.

Bardh e kaltrit nuk arritën më shumë se një barazim pa gola 0:0, i cili nuk u mjaftoi që të shkojnë në finale, pasi që ndeshja e parë, e zhvilluar në kryeqytet, kishte përfunduar 1:1.

Prandaj, skuadra nga Liga e Parë shkoi në finale falë përparësisë që sjell goli në udhëtim.

Më shumë nga Sporti