Tri ditë ndërprerje energjie në Tiranë dhe Vlorë

Operatori i Transmetimit të energjisë, OST njoftoi se ndërprerjet do të bëhen për shkak të punimeve me marrjen e sinjaleve për sistemin SCADA/EMS në qendrën e re Dispeçerike do të stakohen dy transformatorë në nënstacionin e Selenicës. 

Ky stakim do të bëhet në datën 11 Janar dhe në oraret 09-11:30 dhe 12:00-14:30 dhe do të ketë ndërprerje të energjisë në zonat: Bashkia Selenice, komunat Armen, Llakatund dhe Selishtë në qarkun e Vlorës.

Në datën 12 janar në orën 10:00-14:00 për shkak të punimeve për mbrojtjen e linjës 35 kV Sharrë -TEC (30/2) në nënstacionin e Sharrës do të ketë stakim të Linjës 35 kV Sharrë-TEC.  Për pasojë do të jenë pa energji zonat: Kombinat, Yzberisht, Mezez, Ndroq.

Gjithashtu në 13 Janar, nga ora 09:00-15:00 për shkak te punimeve te nevojshme në linjat 220 kV Tirana-Elbasan do të stakohet remonti i "Fidrit" 126 në Nënstacionin Kinostudio. Për pasojë, do të mbesin pa energji zonat Tufinë dhe ish-Uzina e Tankeve. /Start/

                                                                                             2012-01-10 15:58