Tritol ne Fushe-Kruje ura e Bardhokajt ka pesuar demtime serioze

Një tjetër lëndë shpërthyese është vënë në një urë në afërsi të fabrikës së çimentos në Fushë-Krujë.

Për pasojë, ura e Bardhokajt në lagjen Kurtaj ka pësuar dëmtime serioze dhe është dëmtuar dhe rrjeti i ujësjellësit që furnizon këtë fabrikë.

Ngjarja ka ndodhur në mesnatë dhe policia ka shoqëruar disa persona.

Vetëm brenda pak ditëve në këtë zonë është vendosur disa herë tritol në ura dhe në shtylla të tensionit të lartë.

Për këto ngjarje, policia ka të arrestuar katër persona për të cilët dyshohet se janë autorët apo nxitës të akteve të tilla terroriste.

Prej vitesh, fabrika e çimentos është kthyer në shënjestër e akteve kriminale dhe për këtë, thuhet se shkak është konflikti i pronësisë.